Македонската ракометна репрезентација во среда го започнува квалификацискиот циклус за пласман на Европското првенство во 2018 година, кое ќе се одржува во Хрватска.
Овој циклус на квалификации е првиот кој Македонија ќе биде без Филип Миркуловски и Наумче Мојсовски, играчи кои повеќе од една деценија со успех го носеа дресот со државниот грб.
Лига Нации: Се освен прво место ќе биде катастрофа за Македонија! ↓↓↓
Македонија во квалификациите, како што вели селекторот Лино Червар, ќе комбинација „на играчи кои повеќе години играат за Македонија и неколкумина помлади играчи, но играњето за Македонија е нешто што е над сите клупски интереси, тоа е обврска и чест.“
Инаку, селекторот го одбра тимот кој ќе им се спротивстави на Украинците. Червар одреди 16 ракометари од кои најголемиот дел имаат завидно репрезентативни искуство, а поголем дел од нив играа на последното ЕП и на олимписките квалификации.
Составот за натпреварот со Украина:
Ристовски (Барселона), Даскаловски (Тимисоара), Ојлески (Ородехи), Манасков (Рајн Некар), Георгиевски (Букурешт), Кузмановски, Талевски , Нелоски, (Металург), Стоилов (Вардар), Кирил Лазаров (Барселона), Филип Лазаров (Тимисоара), Никола Маркоски (Орошази), Велко Маркоски (Загреб), Ацо Јоноски (Бергишер),Митков (Кремс), Прибак (Бешикташ).