Хабиб го советува Роналдо: Повлечи се додека си на врвот

Популарниот ММА борец Хабиб Нумаргомедов го советува својот пријател Кристиано Роналдо да размиси добро за својата иднина.

За два месеци ѕвездата на Јувентус ќе наполни 35 години, а Хабиб го советува да се повлече од фудбалот додека се уште е на врвот.

„Не е лесно да се разделиш од нешто со кое си се занимавал целиот свој живот. Доаѓа време кога, колку и да сакаш да продолжиш, самиот спорт ќе те остави. Ако не се откажеш навреме, спортот ќе те напушти тебе. Доаѓаат помлади, мотивнирани и гладни за успех спортисти“.

„Покрај тоа, колку и да си во кондиција, телото ти старее, а можеш да загубиш и мотивација. Го советувам Кристиано да се пензионира на време“, изјави Хабиб.