Капело брутално искрен: Роналдо го интересираа само жени и журки, Касано правеше глупости

Познатиот Фабио Капело во својата богата кариера тренираше многу големи ѕвезди, а со спортските ѕвезди доаѓаат и предизвиците.

Како тренер на Реал Мадрид имаше тешка задача, бидејќи требаше да се справува со Роналдо. Но, Бразилецот не беше единствениот „Галактикос“ кој му задаваше проблеми.

„Берлускони ме праша во една пригода: Каков е Роналдо? Му одговорив дека не е добар пример за останатите играчи, бидејќи постојано е на забави, има вишок килограми и го интересираат само жени. Наредниот ден прочитав наслов во „Газета“: ‘Роналдо преминува во Милан!’ изјави Капело, откривајќи дека неговиот коментар го придвижил трансферот од Реал.

„Антонио Касано правеше толку многу глупости во Мадрид што не можам сите да ги запомнам. Тој и Балотели се двата најдобри примери за тоа како играчи можат да го загубат својот талент,“ заврши популарниот Дон.