ФФМ ја одреди цената на билетите за мечот со Англија

Maкедонската фудбалска федерација денес ја одреди цената за влезниците за натпреварот против Англија во Скопје.

Македонија остана без шанси за пласман на Европското првенство по поразот кој го претрпе од Украина, но до крајот на квалификациите имаме уште два натпревари, против Италија на гости и со Англија во Скопје.

Англија во Скопје ни гостува на 20-ти ноември, а ФФМ одлучи цената на билетите да биде иста како за гостувањето на Италијанците претходно, односно 300 и 500 денари.

Со ваква популарна цена на билетите се очекува Арената „Тодор Проевски“ да биде полна и Македонија да има голема поддршка од навивачите.