Дома Фудбал Италија Умтити го заврши натпреварот во солзи, уште еден расистички скандал во Италија

Умтити го заврши натпреварот во солзи, уште еден расистички скандал во Италија


Викенд најава: Интер - Милан, Тотенхем - Ман.Сити и Феенорд - ПСВ ↓↓↓



Фудбалерот на Лече и поранешен член на Барселона, Самуел Умтити го напушти теренот во солзи откако беше навредуван на расна основа во вчерашниот натпревар против Лацио.

Фудбалерите на Лече вчера го победија Лацио со 2:1, а гостинските навивачи расистички ги навредуваа Умтити и неговиот соиграч Ламек Банда.

Судијата Ливио Маринели го прекина натпреварот кога ги слушна навредите, а потоа главниот спикер на стадионот ги извести навивачите дека играта ќе биде прекината доколку скандирањето не престане.

Навивачите на Лече како одговор го скандираа името на Умтити, а играта продолжи.

Претседателот на Лече, Саверио Дамијани изјави дека Умтити сакал играта да продолжи.

“Го гушнав Умтити, како и другите играчи. По секој натпревар, без разлика на резултатот, сакам да им честитам на играчите и тренерите. Кога судијата го прекина натпреварот и кога спикерот чекаше, Умтити побара играта да продолжи. Сакаше да одговори на тереноит, реагираше како вистински шампион“, изјави Дамијани.

Умтити доби пораки за поддршка од бројни фудбалери, како и од претседателот на Меѓународната фудбалска федерација, Џани Инфантино.

„Солидарност со Самуел Умтити и Ламек Банда, ајде јасно и гласно да извикаме: Не на расизмот! Огромното мнозинство фанови, кои се добри луѓе, нека станат исправени за да ги замолчат расистите еднаш засекогаш“, порача Инфантино на социјалните мрежи.

Коментари
Прочитајте поврзани статии
Load More In Италија

Проверете

Братот на Меси ја нападна Барселона: Тие се неблагодарници, никој не ги знаеше пред Лео

Викенд најава: Интер - Милан, Тотенхем - Ман.Сити и Феенорд - ПСВ ↓↓↓ Братот на Лео Меси, …