Талентираната Младеновска потпиша за Брест Бретањ

Најталентираната македонска ракометарка, Ива Младеновска кариерата ќе ја продолжи во дресот на Брест Бретањ од Франција.

16-годишната Младеновска ќе игра за клуб кој сезонава настапува во Лигата на шампионите, а за Брест Бретањ потпиша 4-годишен договор.

Ива иако има само 16 години таа веќе има настапи и за нашата сениорска репрезентација, а нејзиниот талент го препозна францускиот клуб.

„Ракометот во Франција е на многу повисоко ниво, но јас сум подготвена за нови предизвици и се надевам дека ќе му помогнам на клубот во иднина“, изјави Младеновска.