Аргентинскиот голман Емилијано Мартинез е на излезни врати на Астон Вила ова лето, а клубот веќе го ангажираше Зион Сузуки како негов наследник. По неуспехот со трансфер во Јувентус, интересот за Дибу сега го покажува Челси.
Фабрицио Романо денеска објави дека Челси започна преговори со агентите на аргентинскиот чувар на мрежата, кој веќе се согласи да премине во тимот на Сините.
Ниту преговорите со Астон Вила не би требало да бидат проблем за Челси, бидејќи на Вила Парк веќе се помириле со заминувањето на голманот кој има договор до 2029 година.
Челси со години се мачи со голманската позиција, а актуелниот чувар на мрежата Роберт Санчез сигурно е најслабата точка на тимот. Челси долго време бараше стабилност во оваа позиција уште од заминувањата на Тибо Куртоа и Едуард Менди.
Мартинез се смета за еден од најдобрите голмани на светот во последниве години, но предизвик за Челси ќе биде што Дибу треба да земе пауза поради повреда на прстите.
Претходно, Дибу беше поврзуван и со Јувентус, но италијанскиот клуб се откажа од трансферот токму поради повредата.
Учество во игри на среќа е дозволено за лица со 18+ години. Играј одговорно!