Суспендиран теренот на Шкендија!

Натпреварувачката комисија на ФФМ го суспендираше теренот на Шкендија и го предаде клубот на дисциплинската комисија која ќе одлучува за казни после хаосот кој се случуваше во неделата во натпреварот против Шкупи.

Фудбалерите на Шкупи беа нападнати од навивачите пред стадионот, а еден од нив беше погоден и со камен од трибините. Тоа беше само почеток затоа што потоа имаше и инциденти помеѓу играчите на теренот, а од трибините одново беа фрлани разни предмети.

На сето тоа можеа да се слушнат и расистички навреди. Се очекува дисциплинската комисија набрзо да ги соопшти казните за тетовскиот клуб.