Дома Најава Салцбург – Црвена Звезда: Ќе има ли зурли и тапани во домот на Моцарт!?

Салцбург – Црвена Звезда: Ќе има ли зурли и тапани во домот на Моцарт!?

0

Вечерва на програмата е реванш мечот во квалификациите за Лига на шампиони, каде историски пласман ќе бараат Салцбург и Црвена Звезда.

Првиот меч во Белград заврши без голови, со општа констатација дека домаќинот беше поблиску до водство, но празните трибини беа одраз на тоа што се случуваше на теренот. Во Салцбург сигурно не очекува „пожешка“ атмосфера, па останува да видиме дали на крајот ќе се свири австриска симфонија или ќе гледаме балкански „џумбуз“.

Црвено-белите се соочуваат со проблем бидејќи најверојатно ќе бидат без првиот стрелец Стоилковиќ кој заработи повреда на последниот тренинг, додека Салцбург овој меч ќе го игра без еден од најдобрите поединци Златко Јунузовиќ кој се повреди уште на првиот меч во Белград.

Салцбург – ќе успее ли овој тим да влезе меѓу елитата?

Австрискиот тим во добро расположение го дочекува овој меч бидејќи победи на гостувањето кај Алтах со 3:2, иако на тој меч играше со резервен тим, што е знак дека тренерот го чува најдобрите за „мечот на сезоната“. Што се однесува до досегашните квалификации Салцбург без поголеми проблеми ја елиминира Шкендија.

Ова ќе биде уште еден обид Салцбург да избори билет за најелитното европско натпреварување, бидејќи претходните два пати немаа среќа и два пати беа елиминирани од хрватски тимови – Динамо и Ријека. Сега ќе се обидат пред своите навивачи да изборат историски пласман во ЛШ, иако тоа нема да биде воопшто лесто бидејќи Црвена Звезда под водство на Милојевиќ има само три порази во европските натпреварувања.

Црвена Звезда – тренерот Милојевиќ е најсилниот адут!

Она што е интересно пред овој меч е што Црвена Звезда се уште нема доживеано пораз оваа сезона иако има одиграно дури 4 меча повеќе од австрискиот тим. Тимот од Белград без поголеми проблеми ги елиминира Спартакс и Судава, па сега има историска шанса да влезе меѓу елитата.

Најсилен адут за црвено-белите е тренерот Владан Милојевиќ кој го „препороди“ тимот и уште минатата сезона во Лига Европа покажа дека има европски менталитет, кој го пренесе на тимот. Оваа Звезда конечно на ликува на тим кој не пати од комплекс на мала вредност, туку на терен излегува со голема самодоверба. Милојевиќ знае дека во раце има поранешен европски шампион на кого местото му е во елитата, па иако на карта е инфериорен од противниот во однос на квалитет, сепак се наоѓа на само чекор од историја. Што се однесува до повредените фудбалери српскиот шампион најверојатно ќе биде без првиот напаѓач Никола Стоилковиќ, а во тимот се враќа Лоренцо Ебесиљо.

Целосниот текст прочитајте го на специјализираниот портал kladenje.mk

Коментари
Advertisements
Прочитајте поврзани статии
Load More In Најава

Проверете

Проблем: Барди не игра против Словенија и Полска

Македонија во рамките од квалификациите за Европското првенство во 2020 година во октомврс…