Македонскиот репрезентативец Бојан Миовски го постигна првиот гол сезонава и тоа во вистински момент за Ренџерс. Македонскиот репрезентативец му донесе минимална, но исклучително важна победа на својот тим против Сент Мирен од 1-0.
На „Ајброкс“ долго се играше без голови, а кога се чинеше дека натпреварот ќе заврши без победник, на сцена стапи Миовски. Штипјанецот во игра влезе во 78-та, но му беа потребни само петнаесетина минути за да го реши натпреварот.
Во 91. минута, по одлично длабочинско додавање, Миовски се најде сам пред голманот на Сент Мирен. Македонскиот напаѓач покажа смиреност и со ефектен лоб-удар ја испрати топката во мрежата за голема радост на домашната публика.
Miovski breaks the deadlock with the goal in added time!! 🔥🔥🔥#rangersfc pic.twitter.com/XtcvZybOmd
— Joel Kim (@KNTFootball) September 9, 2026
Учество во игри на среќа е дозволено за лица со 18+ години. Играј одговорно!