Саутгејт останува селектор на Англија

Фудбалската асицијација на Англија потврди дека Герет Саутгејт ќе остане селектор на репрезентацијата.

После елиминацијата во четвртфиналето на Мундијалот, Саутгејт истакна дека може да го напушти кормилото бидејќи не е задоволен од критиките во последните 18 месеци.

Сепак, донесена е одлука тој до крај да го одработи договорот и ќе остане селектор за да ја води Англија и на Европското првенство 2024 година.

Според „Телеграф“, Саутгејт планирал да си замине по Мундијалот, без разлика на резултатот, но по разговорите со своето семејство и позитивните реакции на стилот на игра, решил да остане.