Роналдо пет месеци не е во Јувентус, а е најдобар стрелец во клубот

Јувентус сезонава игра под очекувањата на навивачите и клубот се наоѓа на петтата позиција во Серија А.

Долго време Јувентус доминираше на „Чизмата“, но во последните години не е така. Посебно се забележуваат проблемите во нападот и се наметна потребата од напаѓач во јануари.

Дека тоа недостасува во Јувентус најдобар доказ е тоа што Роналдо е најдобриот стрелец на клубот од Торино иако веќе пет месеци не е дел од „старата дама“. Последниот натпревар Роналдо за Јувентѕус го одигра пред пет месеци и во 2021 година дојде до 20 голови.

Со тие 20 голови Роналдо остана најдобар стрелец во Јувентус за 2021 година зад него следуваат Мората, Киеза и Дибала.