Останаа уште нецели три недели до почетокот на новата натпреварувачка сезона во СЕХА-лигата, а се уште го чекаме десеттиот учесник во ова натпреварување.

Веќе од претходно се познати деветте екипи, кои во новата сезона ќе бидат дел од лигата и ќе се борат за трофејот. Вардар и Металург ( Македонија), ППД Загреб и Нексе ( Хрватска ), Железничар и Војводина ( Србија), Извиѓач ( БИХ), Брест Мешков ( Белорусија) и Татран Прешов ( Словачка) се веќе познатите екипи во СЕХА-лигата.

Денес во Букурешт требаше да се одржи состанок меѓу челните луѓе на СЕХА и екипата на Стеауа од Романија, која има голема желба за прв пат да биде дел од балканската лига. Откако добија позитивен сигнал од романската федерација, за тимот на Стеауа останува да се договори уште со луѓето во СЕХА-лигата, за тоа дали тие би го заокружиле списокот на натпреварувачи за оваа сезона.

Романскиот ракомет е во подем, па добро во било, Стеауа да ја гледаме во Скопје и во СЕХА лигата. Вардар е најтрофеен тим во ова натпреварување со вкупно четири трофеи и актуелен освојувач на истото.


Следете го Sportski.mk и на


Коментари
Прочитајте поврзани статии
Load More In Останати

Проверете

Познат и десеттиот учесник во СЕХА: Лигата доби екипа од Романија!

Извршниот одбор на СЕХА Газпром лигата го реши прашањето за десеттиот учесник на регионалн…