Раиола: Сега не сакаме да зборуваме со Милан за Донарума

Mино Раиола беше расположен за давање изјави во текот на вчерашното полуфинале помеѓу Милан и Јувентус.

Новинарите како и често пати претходно ги интересираше ситуацијата со голманот на Милан, Антонио Донарума.

Како што е познато, Раиола го притискаше младиот голман да го напушти Милан и така менаџерот стана еден од најголемите непријатели на „росонерите“.

Сега Раиола одби да зборува за таа ситуација и порача дека во овој момент не сака да преговара со Милан за нов договор за Донарума.

„Милан знае што мислам јас. Во овој момент не сакам да зборувам за продолжување на договорот. Џиџи е добро и сака да му помогне на Милан да игра во Лигата на шампионите, па да игра на Европското првенство, а после тоа ќе видиме. Наскоро ќе зборуваме“, изјави Раиола.