Проблем за Милан, се повреди Мењан

Голманот на Милан и француски репрезентативец, Мајк Мењан доживеа повреда на синоќешниот меч против Австрија.

Мењан беше заменет на полувремето на мечот со Австрија, а првичните прогнози се дека има повреда на десниот глужд.

Голманот денес ќе се врати во Милано на лекарски прегледи, а прогнозите се дека сигурно ќе го пропушти дуелот со Емполи на 1 октомври.

Во Милан се надеваат дека ќе може да биде спремен за дуелот со Челзи три дена подоцна, бидејќи Татарушану не е пријавен за ЛШ, па ќе мора да брани третиот голман Антонио Миранте.

.