Шок за Кристијано Роналдо! Ал-Наср во големи долгови, се подготвува тотален хаос!

Ал-Наср моментално се соочува со голема финансиска криза која сериозно би можела да влијае на активностите на клубот во тековниот трансфер период.

Клубот досега не реализирал ниту еден трансфер, а токму финансиските проблеми се еден од главните причини за таквата ситуација.

Според наведувањата на саудискиот весник Аријадија, Ал-Наср имал договор за доведување на португалскиот играч од средниот ред Саму Коста од Мајорка, но трансферот сеуште не е реализиран.

Покрај тоа, клубот не го решил ниту прашањето за продолжување на договорот со Абдурахман Гариб.

Аријадија објави дека долговите на Ал-Наср сега надминуваат 800 милиони саудиски ријали, а проблемите, според тие наведувања, се последица на финансиските одлуки донесени во текот на минатата сезона.

Поради сериозноста на ситуацијата, Саудискиот јавен инвестициски фонд, кој е сопственик на Ал-Наср, наводно подготвил три пристапи за решавање на проблемот.

Целта е да се заштити финансиската стабилност на клубот, неговата база на навивачи и маркетинг вредноста, но и да се спречи дополнително зголемување на долговите.

Првиот пристап се однесува на ограничување на одредени финансиски овластувања на тековното извршно раководство на клубот.

Токму тоа, според наведувањата на саудискиот извор, е една од причините поради што Ал-Наср моментално не може да реализира нови трансфери.

Клубот ова лето нема да доведува нови играчи сè додека извршното раководство не успее да обезбеди дополнителна ликвидност од сопствените приходи.