Ендони Ираола со триумф го започна својот менаџерски мандат на клупата на Ливерпул, откако неговиот тим во подготвителен натпревар во Нешвил го совлада Сандерленд со резултат 4:2.
Како ПАМЕТНО да типувате на World Cup 2026!
Сепак, резултатот и играта останаа во сенка на повредата на дефанзивецот на Ливерпул, Џо Гомез, кој теренот го напушти веќе во 10-та минута.
Головите за Ливерпул ги постигнаа Кира Морисон, Доминик Сободзлаи, Федерико Кјеза и Луис Коумас, а за Сандерленд Лефе и Тутеров.
„Има многу работи кои мораме да ги подобриме. Ова е само првиот натпревар, играчите имаа тежи нозе по тренинзите и ни недостасуваше свежина. Сепак, ова е добра почетна точка за натамошната подготовка“, рече Ираола по натпреварот.
Шпанскиот тренер не ја криеше загриженоста за повредата на искусниот дефанзивец.
„Најлошата вест е повредата на Џо Гомез. Бевме задоволни затоа што досега поминавме низ подготовките без проблеми, а потоа веднаш останавме без еден играч“, додаде менаџерот на Ливерпул.
Учество во игри на среќа е дозволено за лица со 18+ години. Играј одговорно!