Казнети се Хамилтон и Антонели пред трката во Унгарија

Возачот на Ферари Луис Хамилтон е казнет со поместување за три позиции и ќе стартува како пети на трката од Формула 1 за Голема награда на Унгарија, откако за време на квалификациите го попречи Оскар Пјастри од Мекларен.

Стјуардите донесоа одлука дека Пјастри бил принуден да се откаже од својот брз круг, затоа што Хамилтон не се тргнал од патот откако возачот на Ферари го заврши својот последен брз круг во третиот дел од квалификациите.

Хамилтон сега ќе стартува како пети, зад освојувачот на пол-позицијата, возачот на Мекларен Ландо Норис, додека од втората позиција трката ќе ја започне неговиот клупски колега Шарл Леклер.

Водечкиот во генералниот пласман Кими Антонели е поместен на трето, а Пјастри на четврто место.

Казнет ќе биде за три места и Кими Антонели, поради пребрзо возење под жолти знамиња кои беа истакнати откако Макс Ферстапен се завртел на патеката. Така тој ќе започне од седма позиција.