![](https://sportski.mk/wp-content/uploads/2016/12/09.12stadio1.jpg)
Фудбалската федерација на Македонија со поддршка од УЕФА и „Хет трик 4“ програмата за развој, официјално ги започна активностите за изградба и реконструкција на нов, модерен и квалитетен фудбалски терен со природна трева, како и поставување на рефлекторско осветлување на стадионот „Гоце Делчев“ во Прилеп.
Според проектот во кој ФФМ ќе инвестира еден милион евра, прилепскиот стадион ќе има капацитет од 18.000 места, а ќе биде направен според сите критериуми на УЕФА за играње дури и на меѓународни натпревари.
Лига Нации: Се освен прво место ќе биде катастрофа за Македонија! ↓↓↓
Планирано е и хортикултурно уредување околу стадионот, како и изградба на паркинг простор. Исто така планирано е стадионот да добие нови трибини, нови соблекувални и осветлување за да може на него да се играат и ноќни натпревари.