Потписот на Мурињо беше одлична вест и за Тотенхем

Во следната сезона Португалецот Жозе Мурињо ќе има нов предизвик, Жозе се враќа во Серија А каде што ќе ја предводи Рома.

Фановите на „волчицата“ искажаа големо воодушевување што во клубот конечно дојде големи за тренер. Меѓутоа потписот на Мурињо ги радува и во Лондон.

Имено, „Телеграф“ објави дека Тотенхем бил должен во наредните 18 месеци да му исплати 16 милиони фунти, но тоа ќе беше можно само ако Мурињо не потпишеше со друг клуб. Во случај каков што е сега значи дека Жозе го раскинал договорот.

Проценката е дека со потписот за Рома Мурињо на Тотенхем му „заштедил“ околу 13 милиони фунти.

Официјални податоци колку Мурињо ќе заработува во Рома се уште нема, но медиумите во Италија денес на големо пишуваа дека станува збор за договор на три години со плата од седум милиони евра по сезона.