Пиоли: Милан покажа квалитет и зрелост

Тренерот на Милан, Стефано Пиоли не го криеше задоволството од победата на неговиот тим против Атлетико Мадрид.

Пиоли го пофали својот тим и истакна дека покажале зрелост и квалитет.

„Играчите имаат право да слават бидејќи одигравме одличен натпревар. Игравме со храброст и квалитет и до последен момент верувавме во себе. Мислам дека сме на вистинскиот пат и покажавме зрелост и квалитет“, изјави Пиоли.

Херој на „росонерите“ беше 30-годишниот Жуниор Месијас, кој само до пред три години играше во аматерски категории.

„Неговата приказна е неверојатна, но мислам дека ова е само почеток за него бидејќи тој има вистински квалитет. Имаше потешкотии кога дојде, имаше повреди, но сега навистина ќе му помогне на тимот“, истакна Пиоли.