Тренерот на Милан, Стефано Пиоли го изрази задоволството од денешната победа и посебно го пофали Рафаел Леао.
Иднината на Леао во Милан е неизвесна бидејќи се водат преговори за продолжување на соработката, а има интерес од многу клубови.
„Ова беше една од најдобрите партии на Леао откако сум јас во Милан. Беше сконцетриран цели 90 минути и се бореше за секоја топка и после голот. Лео ужива и е среќен во Милан. Секогаш му кажувам дека неговиот пат на развивање со нас се уште не е завршен. Треба да остане во Милан и да се развие во голем шампион“, изјави Пиоли.
„Де Кетеларе исто така ми се допадна денес. Ја подобри физичката форма, а Мундијалот му помогна и психички да биде повеќе уверен во своите способности. Јас немам сомнеж во неговите квалитети и ќе биде мнигу важен играч за нас“, додаде Пиоли.
Учество во игри на среќа е дозволено за лица со 18+ години. Играј одговорно!