Официјално: Реал сезонава домашните натпревари нема да ги игра на „Бернабеу“

Ла Лига ќе продолжи на 11  јуни, а Реал Мадрид натпреварите нема да игра на „Сантијаго Бернабеу“.

Сезоната како и во останатите првенства и во Шпанија ќе се игра без публика, па така Реал Мадрид своите домашни натпревари ќе игра на малото стадионче покрај „Бернабеу“.

„Кралевите“ ќе штедат пари така што натпреварите ќе ги играат на теренот „Алфредо Ди Стефано“. Тоа е мал стадион со капацитет до 6.000 места и е во сопственост на шпанскиот гигант. На овој терен своите домашни натпревари ги игра вториот тим на Реал.

Ќе потсетиме, Реал Мадрид во овој момент се наоѓа на втората позиција со два бода помалку од лидерот Барселона.