Манчестер Јунајтед го потресе вест која силно одекна низ англискиот фудбал. Петнаесетгодишниот JJ Gabriel, еден од најголемите фудбалски таленти во светот, изрази желба да го напушти Олд Трафорд и побара раскинување на договорот за да стане слободен играч. Оваа вест предизвика вистински шок меѓу навивачите на Црвените ѓаволи.
Младиот офанзивец, кој од многумина се смета за “новиот Меси” или “Кид Меси”, неодамна блескаше во младинската Лига на шампиони.
На својот дебитантски настап за тимот под 19 години на Јунајтед, постигна хет-трик, потврдувајќи ја својата репутација како еден од најперспективните фудбалери на неговата генерација.
Имајќи ги предвид извештаите од Англија, Gabriel поднел официјално барање до клубот за раскинување на регистарската снимка, што би му овозможило да го напушти Манчестер Јунајтед без компензација, доколку одредени правни услови бидат исполнети.
Во клубот сеуште не знаат што ја предизвикало оваа неочекувана одлука, но веруваат дека ќе успеат да го убедат младиот фудбалер да остане.
Gabriel пристигнал во Јунајтед уште на 11-годишна возраст и го поминал целото младинско училиште на славниот клуб.
Минатата сезона, постигна дури 26 голови во 29 натпревари за тимот под 18 години, освои награда за најдобар играч на младинската Премиер лига, а ова лето беше приклучен и кон тимот до 21 година.
Фудбалската легенда на Манчестер Јунајтед, Рајан Гигс, неодамна јавно изјави дека клубот мора да направи се за да го задржи Gabriela, нарекувајќи го “генерациски талент” и играч кој наскоро може да дебитира за првиот тим. Токму поради оваа причина, веста за неговата желба за заминување претставува удар за клубот.
Интерес за младиот фудбалер веќе има. Англиските медиуми наведуваат дека го следат два премиерлигашки клуба, од кои едниот е Челси, додека интерес покажуваат и клубови од Шпанија и Германија.
Дали Манчестер Јунајтед ќе успее да го задржи својот најголем бисер или “новиот Меси” ќе го напушти Олд Трафорд, останува да се види во наредните денови.
Во меѓувреме, младиот играч одлучи да изрази незадоволство и го избриша сето што е поврзано со Јунајтед од својот Инстаграм профил.
🚨 JJ Gabriel has removed Manchester United from his bio and deleted all his Instagram posts from his page.
— Transfer News Live (@DeadlineDayLive) September 15, 2026
(Source: Instagram) https://t.co/LFV3PettSb pic.twitter.com/kAtTjDjkMD
Учество во игри на среќа е дозволено за лица со 18+ години. Играј одговорно!