Милан и Рома во битка за потписот на Тилеманс

Плејмејкерот на Лестер, Јури Тилеманс ќе го напушти клубот како слободен агент и веќе започна битката за неговиот потпис.

Еден од клубовите кои покажуваат сериозен интерес за Белгиецот е и италијанскиот гигант Милан.

Новиот спортски директор Монкада е голем симпатизер на квалитетите на Тилеманс и сака да го донесе на „Сан Сиро“ без обештетување.

Тиленас минатото лето беше на мета на Барселона, Арсенал и Манчестер Јунајтед, но после просечната сезона интересот на овие клубови не е така силен.

Поради тоа голема е веројатноста Белгиецот да се пресели во Серија А,  каде покрај Милан силен интерес за него покажува и Рома.