Мбапе ја потопи Барселона па зборуваше за својата иднина

Килијан Мбапе синоќа беше брилијантен на Камп Ноу и со три гола му донесе на ПСЖ голема победа против Барселона (1:4) во првиот дуел од осминафиналето во ЛШ.

Мбапе беше незапирлив за одбраната на Барселона, а со оглед дека одамна се поврзува со Реал Мадрид, новинарите после натпреварот го прашаа дали по крајот на сезоната ќе го напушти ПСЖ.

„Дресот на ПСЖ е драг на моето срце. Мојата иднина? Би било глупаво да одлучувам за мојата иднина на еден натпревар. Отсекогаш сум зборувал дека тука сум среќен.“ – рече Мбапе.

Она што е сигурно, ако продолжи вака, неговата цена само може да расте и на лето во некој рекорден трансфер би можел да го напушти Париз.