Лацио излезе на терен, Торино не дојде, натпреварот не се одигра

Веќе видена ситуација се случи во Серија А каде попладнево не се одигра натпреварот помеѓу Лацио и Торино.

Торино има голем проблем со коронавирусот и по одложувањето на мечот против Сасуоло, здравствените власти не им дозволија да патуваат во Рим.

Раководството на Серија А не го одложи натпреварот, па фудбалерите на Лацио регуларно излегоа на терен, но мечот не се одигра.

Иста ваква ситуација се случи на мечот помеѓу Јувентус – Наполи, кој најпрво беше запишан како службена победа за „бјанконерите“, а потоа се одлучи да се одигра во нов термин.