Барселона игра чудесно, го има најдобриот старт во историјата на клубот

Под водство на Ханси Флик, Барселона го оствари својот најдобар старт на една сезона во историјата на клубот. Германскиот тренер постигна седум последователни победи, шест во Ла Лига и една во Лигата на шампионите, и со тоа постави нов рекорд. До сега, најдобриот почеток бил сo низа од шест победи.

Фликовата низа од седум победи го надмина претходниот рекорд на клубот остварен во три различни ситуации. Првпат шест победи на стартот успеала да постигне екипата на Џејмс Белами (1929/30), потоа составот на Љубиша Броќиќ (1960/61), и последен пат екипата на Ернесто Валверде во сезоната 2018/19.

Со оваа серија победи, Барселона го зазеде првото место во Ла Лига, имајќи три бода предност пред второпласираниот Реал Мадрид. Во Лигата на шампионите, тимот го дели врвот на групата со ПСЖ и Бајерн. Овој успех е поткрепен со неверојатна ефикасност. Во седумте одиграни натпревари постигнати се 33 гола, од кои 28 во првенството и пет во Европа, што значи просек од 4.7 гола по меч.

Од седумте официјални натпревари, Барселона само во еден постигна два гола, против Атлетик Билбао. Во останатите случаи беа значително поефикасни: на Леванте му дадоа четири гола, а против Елче, Рајо Ваљекано, Валенсија и Фееноорд постигнаа по пет, додека на Расинг му постигнаа дури седум гола.

По шест кола, Барселона е и единствената непоразена екипа во Ла Лига.

На стартот на сезоната, Барселона се истакнува како најофанзивниот тим во шампионатот. Водечки улоги во нападот имаат Рафинја, кој се наметна како лидер во сите аспекти на играта, и Ламине Јамал, важен за организација на нападот. Заедно постигнаа 16 голови на почетокот на сезоната (Рафинја девет голови со три асистенции, Јамал седум голови со две асистенции).