Ковач не ја знае иднината откако му пукна „петарда“ во лице

Баерн Минхен продолжи со слабите игри и денес доживеа срамен пораз на гостувањето кај Ајнтрахт Франкфурт.

Баварците примија пет гола и ја продлабочија кризата, па медиумите веќе почнаа да шпекулираат околу иднината на тренерот Нико Ковач.

„Мојата иднина. Не знам, вие знаете подобро. Како треба нешто да знам по ваков натпревар? Не е важно како се чувствувам, ќе одлучат тие кои се задолжени за тоа. Не мора тоа да го споделувам со вас. Што сакате да чуете од мене?“, нервозен беше Ковач после натпреварот.

Започнавме добро и добивме црвен картон.Натпреварот потоа се одвиваше во насока што не сакавме да оди. Не можете да изгубите 5-1 овде, дури ни со 10 играчи. Направивме многу грешки“, додаде хрватскиот стратег.