Палмер е незадоволен: На лето може да замине од Челси?

Фудбалерот од првиот тим на Челзи, Кол Палмер, изразил незадоволство од својата ситуација во клубот и не е исклучена можноста да си замине од Стамфорд Бриџ ова лето, објавуваат британските медиуми.

Сезоната не му оди најдобро, Палмер се соочува со проблеми со формата и повреди, а приспособувањето на новата тактика не помага. Се смета дека овој нов пристап го ограничил неговото влијание на теренот, што придонело за неговото разочарување во последниот период.

Интересот за 23-годишниот англиски фудбалер е голем и од различни европски клубови, меѓу кои Манчестер Јунајтед, Реал Мадрид и Баерн Минхен го следат неговиот развој.

И покрај неизвесноста, Челзи го гледа Палмер како значајна фигура во нивниот проект и немаат намера да го стават на пазарот за трансфери.

Палмер во Челзи пристигна во 2023 од Манчестер Сити. Досега, одигра 122 натпревари, постигна 53 голови и ги освои Лигата на конференцијата и Светското клупско првенство.