Јокиќ е „машина“: Србинот го урна Голден Стејт за шести триумф по ред на Денвер (Видео)

Кошаркарите на Денвер Нагетс го продолжија победничкиот низ во НБА лигата, откако пред своите навивачи убедливо го совладаа Голден Стејт со резултат 116:93.

Уште едно впечатливо издание прикажа Никола Јокиќ, кој беше на чекор од нов трипл-дабл – натпреварот го заврши со 25 поени, 15 скокови и осум асистенции.

Ефикасна поддршка доби од Џамај Мареј, кој постигна 20 поени со седум асистенции и шест скокови.

Значајни придонеси дадоа и Тим Хардавеј Јуниор (16), Брус Браун (15), Кристијан Браун (12) и Пејтон Вотсон (10).

Од другата страна, Вориорс настапија без повредениот Стеф Кари, што навистина се почувствува во организацијата на играта.

Најефикасни во редовите на гостите беа Брендин Подземски и Кристапс Порзингис со по 23 поени, додека Гери Пејтон додаде 16.