Карагер за трансферот на Торес во Челзи: Знаев дека ги измамивме

Фернандо Торес имаше одлична кариера, а посебно добар беше во периодот во Ливерпул.

Тој во 2011 година од Ливерпул премина во Челзи и тоа за 60 милиони евра и таму од него многу се очекуваше.

Сепак, Торес покрај епизодот во Челзи се најде помеѓу најголемите промашувања, во 110 лигашки натпревари постигна 20 голови.

Џејми Карагер, неговиот поранешен соиграч од Ливерпул сега зборуваше за таа ситуација и објасни што мисли за сето тоа.

„Не можев да верувам тогаш. Знаев дека го измамивме Челзи. Тој таа година беше само сенка од оној вистински Торес. Во првите 18 месеци беше помеѓу најдобрите во светот, а подоцна падна. Челзи го доведе затоа што играше одлично против нив. Бевме лоши, а тој им даде два гола“, објасни Карагер.