Карагер удри по Халанд: Не е светска класа и никогаш нема да биде подобар од овие тројца

Норвежанецот Ерлинг Халанд руши рекорди во Премиер лигата, меѓутоа се почесто добива критики затоа што не се истакнува во дерби натпреварите.

По натпреварот против Реал Мадрид во Лигата на шампионите кој заврши без победник 3:3, а Халанд скоро и ништо да не направи на теренот добиваше критики од: Рој Кин, Тиери Анри, Ван Дер Варт…сега се огласи и Џејми Карагер.

„Халанд е еден од најдобрите стрелци, но не може да се каже дека е фудбалер од светска класа. Сетете се на најдобрите напаѓачи во Премиер лигата во последните 20 години, Анри, Суарез или Кејн…

Тие имаа толку големо влијание на своите тимови без разлика дали ќе постигнат гол или не.
Халанд не е на нивното ниво и никогаш нема да биде подобар од нив. Погледнете ги последните три натпревари на Халанд против квалитетни противници кога имаше проблеми со Ван Дајк, Салиба и Рудигер“, објасни Карагер.