Дома Македонски спорт Мак фудбал Илчо Ѓорѓиоски: Лигата стана забава за клубови блиски до ФФМ!

Илчо Ѓорѓиоски: Лигата стана забава за клубови блиски до ФФМ!

Eкс-претседателот на Фудбалската федерација на Македонија Илчо Ѓорѓиоски кој оваа зима после една деценија се врати на тренерската работа како тренер на Брегалница испрати критики до Куќата на фудбалот.


Од втора лига, до спасител на Германија - 12 ден ↓↓↓



Од ФФМ Ѓорѓиоски си замина во 2019 година, а на местото претседател дојде Муамед Сејдини кој беше негова десна рака. За првпат сега по ннеколку ситуации во првенството на штета на неколку клубови Ѓорѓиоски во изјава за клупскиот сајт на Брегалница порача дека лигата станала забава за клубови блиски до ФФМ.

„Сакам да биде јасно дека ниту Брегалница ниту лично јас апсолутно никогаш досега не сме коментирале судење. И така ќе беше веројатно и после вчерашниот натпревар во Ѓорче Петров, да не беше онаа смешна кратка анализа од страна на Судиската комисија која само го проширува просторот за констатација дека свесно и тенденциозно се штитат погрешни судиски одлуки, во полза на одредени а на штета на други клубови. И сега веќе се поставува прашањето, како судиската комисија дава оценка (Ренова) пред и контролорот да даде оценка на судењето и дали со тоа се прави притисок на контролорите и судиите. Веќе неизбежно прашање е и како некои судии судат речиси на секој втор натпревар на одредени клубови, а ги има бројни примери. Дали одредени клубови сами си ги бираат судиите?“

„Токму таквиот сега веќе очигледно инструиран однос на Судиската комисија не испровоцира да ги издвоиме сите судиски грешки оваа пролет кои директно влијаеја на резултатите на Брегалница. Ќе повторам, ние грешките прво ги бараме кај нас и не сакајќи да бараме алиби. Не реагиравме досега, но ова ја мина секоја граница. Поништен чист гол за Брегалница на првиот натпревар со Ренова, недосуден очигледен пенал против Пелистер во Битола за кој и домаќините сами беа свесни дека е удар од 11 метри, жолт картон за Мојсов против Ренова во ситуација во која апсолутно нема ниту прекршок, а потоа добива и втор жолт (оправдан), но имаме незаслужено исклучување. На истиот меч исклучен е Додев поради наводен обид за глума на прекршок, во ситуација кога има контакт. Се се тоа грешки кои Брегалница ја чинат најмалку 9 бода, и кои во многу нешта ќе ја променеа ситуацијата во шампионатот“ – истакнува Ѓорѓиоски, според кого сите овие случувања иницираат револт кај сопствениците на клубовите кои се прашуваат дали вреди да се издвојуваат средства за фудбалот.

„И по реакциите на голем број клубови оваа пролет очигледно е дека со овој начин на работа се откажуваат и потенцијалните вложувачи во клубовите, и се демотивираат и оние малку кои вложуваат. Се прашува ли некој зошто реагираат инвеститорите од Тиквеш, Вардар, Пелистер? Се запрашал ли некој зошто се намалуваат вложувањата во Академија Пандев? Во времето кога бев на чело на ФФМ, Вардар и Шкендија беа со највисоки буџети на еден клуб воопшто во историјата на македонскиот фудбал, и со силни успеси во Европа. Сега со намалени вложувања и буџети во Шкендија, со избркани инвеститори од Вардар…, се запрашал ли некој зошто е тоа така? Пред почетокот на последните неколку сезони гласно се зборуваше кој на која позиција ќе заврши во првенството, кој со шампионска титула кој со излез во Европа. И видете ‘чудо’, се тоа се оствари. И за следната сезона веќе е во оптек изгледот на табелата. Затоа се поставува прашањето дали клупскиот фудбал стана приватна забава на 3-4 клуба кои имаат отворена поддршка од ФФМ“ – вели Илчо Ѓорѓиоски за сајтот на „ФК Брегалница“.

Фото: ФК Брегалница

Коментари
Прочитајте поврзани статии
Load More In Мак фудбал

Проверете

Реал спреми 90 милиони за Леао

ЕКСКЛУЗИВНО: 50 БЕСПЛАТНИ СПИНОВИ БЕЗ ДЕПОЗИТ - РЕГИСТРИРАЈ СЕ НА МОЦАРТ! Шпанските медиум…