Изборен шампионат во Борење во Прилеп

На 12 февруари, со почеток во 11 часот, во салата на основното општинско училиште „Добре Јованоски“ во Прилеп, ќе се одржи изборен шампионат во борење, слободен стил, и женско борење (за прв пат официјално).

Шампионатот е во организација на новото раководство на Боречката Федерација на Македонија, а технички организатор е боречкиот клуб „7-ми Мај-Леов“ од Прилеп.

Изборното првенство е од селективен карактер за репрезентативниот состав кој треба да не претставува на Европското првенство за У-23. Се очекува во секој момент да биде симната суспензијата на ФБСМ од страна Обединетото светско борење (ОБС/UWW), така што макеоднската репрезентација ќе може да настапува на меѓународните првенства.