Играа дерби со над 16.000 навивачи, а сега во Србија се откажува натпревар поради Ковид-19?

Дали Србија прерано се ослободи со мерките за коронавирус?

Пред само неколку дена цел свет пишуваше за дербито помеѓу Партизан и Црвена Звезда на кое имаше сигурно над 16.000 навивачи, а сега веројатно ќе се одложи натпревар поради коронавирус.

Натпреварот помеѓу Чукарички и Партизан кој требаше да се игра утре со почеток од 19:00 часот веројатно ќе се откаже затоа што шест играчи на Чукарички и тренерот Александар Веселиновиќ покажале симптоми на Ковид-19.

Тие сите ќе бидат тестирани, а доколку бидат позитивни ќе се тестираат и играчите на Војводина со кои играа во минатото коло.

Инаку, во Србија скоро и да се вратија во нормала и најголем дел од мерките се отстранети.