Јувентус чека да испадне Тотенхем, за да му го земе играчот!

Според пишувањата на Качомеркато, Јувентус планира да доведе лев бек на Тотенхем и се надева дека лондонскиот клуб ќе испадне од лигата за полесно да го привлече да се врати во Италија.

Имено, „старата дама“ го сака момчето кое е родено во Италија и има 12 настапи за националниот тим на таа земја.

Дестини Удоги е дете на Верона, а во летото 2022 година премина во Удинезе за пет милиони евра. Веднаш беше откупен од Тотенхем за 18 милиони евра и оставен една година на позајмица меѓу „зебрите“.

Во оваа сезона одигра 20 натпревари за лондонскиот клуб, има само 23 години.