Иванишевиќ: Надал нема шанси против Ѓоковиќ

Денес сите очи ќе бидат вперени во Париз каде се игра големото финале на „Ролан Гарос“ помеѓу Новак Ѓоковиќ и Рафаел Надал.

Надал со победа ќе се изедначи со Федерер по бројот на освоени Грен слем титули, од друга страна Ѓоковиќ ќе најави целосна детронизација на Шпанецот.

„Го гледавме Надал во Париз и работите се исти како и секогаш, но не така… Ова се совршени услови за Новак. Надал можеби ги доби тие што требаше да ги добие, но нема шанса во вакви есенски услови со Новак, кој веќе ментално го победи. Можеби одам предалеку, но нема сомнеж кој е фаворит во мечот“, вели Иванишевиќ.

Ѓоковиќ е еден од двајцата тенисери покрај Робин Содерлинг, кој успеал да го победи Надал на Ролан Гарос, а во последните 18 мечеви со Надал има дури 14 победи.