Меси изговори неколку тешки зборови во својата кариера и целиот свет занеме!

Лионел Меси во недела повторно ќе излезе на теренот на стадионот „МетЛајф“ во Ист Ратерфорд, но овојпат во сосема различно расположение.

Точно пред десет години истиот стадион беше местото на еден од најтешките моменти во неговата кариера. Аргентина во финалето на Копа Америка загуби од Чиле по изведување на пенали, а токму Меси го промаши првиот пенал за неговата репрезентација.

Скршениот капитен на Гаучосите по натпреварот го шокираше фудбалскиот свет кога објави дека ја завршува репрезентативната кариера.

„Првото што ми помина низ глава и за што размислував во соблекувалната беше дека за мене е завршено. Репрезентацијата е завршена за мене. Изгубив четири финалиња. Така се чувствувам. Сé е многу тажно. Промашив и пенал, а мислам дека ова е најдоброто за сите. Дадов сѐ од себе, но заминувам без освоен трофеј со репрезентацијата.”

Тие зборови го обиколија светот, но откажувањето на Меси не траеше долго. По големиот притисок од јавноста и соиграчите, се врати во националниот тим, а остатокот од приказната стана историја.

Аргентина потоа ја освои Копа Америка во 2021, Финалисима во 2022, Светското првенство во 2022 година, а сега има можност да испише нова страница во фудбалската историја.