Дебитантскиот настап на Роберт Левандовски за Чикаго Фајр мораше да биде одложен. Натпреварот против Ванкувер Вајткапс, кој требаше да се игра во четврток, беше откажан поради лошиот квалитет на воздухот во Чикаго предизвикан од чадот од канадските пожари. Новиот термин на средбата е одреден за 6 октомври.
Како ПАМЕТНО да типувате на World Cup 2026!
Клубот официјално потврди дека натпреварот се одложува поради лошите услови. На стадионот Солџер Фиелд се очекуваше присуство на повеќе од 40.000 гледачи. Поради одложувањето, паузата во МЛС, наложена поради Светското првенство, за двата клуба неочекувано ќе се продолжи. Фајр и Вајткапс последните натпревари од првенството ги одиграа на 23 мај. Ванкувер ќе го има следниот настап на 22 јули како гостин кај Синсинати, а Чикаго Фајр истиот ден игра против Интер Мајами.
Полскиот напаѓач Роберт Левандовски (37) официјално беше претставен во Чикаго во вторник, потпишувајќи договор со клубот до крајот на сезоната 2027-2028. Поранешниот полски репрезентативец откри дека за МЛС и животот во Чикаго се консултирал со поранешните соиграчи.
Учество во игри на среќа е дозволено за лица со 18+ години. Играј одговорно!