Дома Фудбал Останато Енрике откри што им кажал на играчите пред финалето со Јувентус: Прво беа во шок, а потоа се насмеаа

Енрике откри што им кажал на играчите пред финалето со Јувентус: Прво беа во шок, а потоа се насмеаа

На денешен ден пред пет години Барселона го победи Јувентус со 3:1 во финалето од Лигата на шампионите.

Каталонците во Берлин тогаш ја освоија петтата европска круна и без поголеми проблеми го совладаа Јувентус. Головите за Барса ги постигнаа Иван Ракитиќ, Луис Суарез и Нејмар, а единствениот гол за „старата дама“ беше дело на Алваро Мората.

Барселона таа година освои тројна круна што беше голем подвиг за тренерот Луис Енрике за кого тоа беше прва сезона во клубот.

Енрике се потсети на тој натпревар во Берлин и откри дека се пошегувал со своите играчи пред натпреварот. Тој прво одржал мотивационен говор, а потоа им покажал на играчите колку верува во нив.

„Се сеќавам дека на шега ги прашав играчите што е најлошото што може вечерва да им се случи. Се јавија Чави и Дани Алвес кои кажаа дека најлошо ќе биде ако не играме во нашиот препознатлив стил и уште некои работи. Тогаш ги прекинав и само кажав: Најлошто што може да се случи вечерва е да сте играч на Јувентус и да играте против Барселона. Прво беа во шок, а потоа се насмеаа. Тоа сигурно дополнително ги мотивираше“, изјави Енрике.

Коментари
Advertisements
Прочитајте поврзани статии
Load More In Останато

Проверете

Казната нема да влијае: Де Брујн останува во Манчестер Сити!

Патрик де Костер, агент на ѕвездата на Манчестер Сити Кевин де Брујн ја коментираше евенту…