Eкипата на Рома не успеа да го победи Леверкузен и трета година по ред да игра европско финале. Натпреварот во Германија заврши 2:2, иако „волчицата“ имаше предност од 0:2, првиот натпревар го загубија токму со тој резултат.
Зошто проблемот со улични кучиња СÈ УШТЕ постои? | Уште еден поткаст
Даниеле Де Роси на клупата на Рома дојде на местото на Жозе Мурињо. За Италијанецот водењето на Рома беше прво искуство Серија А, претходно беше тренер на СПАЛ во Серија Б и таму не помина најдобро.
„Пред една година бев тренер на италијански клуб од втора лига и таму добив отказ. Сега можам да бидам горд на моите момци. Бевме одлични на теренот, поразот навистина боли, но јас учам со секој нов натпревар. Честитки до Баер Леверкузен“, изјави Де Роси по натпреварот.
Ќе потсетиме, Рома пред две години со Мурињо ја освои Конференциската лига, а лани играше финале во Лигата на Европа во кое беше поразена од Севиља.
Учество во игри на среќа е дозволено за лица со 18+ години. Играј одговорно!