Дома Фудбал Италија Дерби на денот: Јувентус ги тестира шампионските амбиции на Наполи

Дерби на денот: Јувентус ги тестира шампионските амбиции на Наполи


Викенд најава - Најинтересно во Серија А! ↓↓↓



Денес на програмата е големото дерби од Серија А каде Наполи го пречекува Јувентус и овој меч сигурно многу ќе влиае на остатокот од сезоната.

Наполи е лидер на табелата и има седум бода предност пред Јувентус, па исходот од овој меч може многу да влиае на остатокот од сезоната. Доколку Јувентус успее да победи на овој меч, тогаш ќе ја направи битката за титулата исклучително интересна.

Да се биде или не за Наполи

Наполи игра сезоната од соништата и најголемите оптимисти не можеа да предвидат вака добри резултати. Особено поради фактот што во летото тимот го напуштија неколку важни играчи како Кулибали, Инсиње и Фабиан Руиз. Меѓутоа, пристигнаа одлични замени, а пред се тука се мисли на Кварацхелија, кој е најпријатното изенандување од почетокот на сезоната. До мундијалската пауза Наполи играше перфектно како во Серија А така и во Лигата на шампиони, каде го освои првото место во многу тешка група. Новата година ја почна со пораз од Интер на гостувањето во Милано, а тоа е единствен пораз за тимот на Спалети оваа сезона. Овој натпревар може да се покаже како клучен за остатокот од сезоната, бидејќи со позитивен резултат ќе направи чекор напред кон Скудетото. Спалети на располагање го има целиот тим и нема проблем со повредени и суспендирани фудбалери.

Јувентус во фантастична серија

Јувентус многу лошо ја отвори сезоната и во еден период беше на средината на табелата, па дури и се зборуваше за смена на Алегри. Лошите резултати тимот ги пренесе и во Лигата на шампиони каде „бјанконерите“ не успеаа да ја минат групната фаза и завршија на третото место во групата. Од почетокот на сезоната Алегри има големи проблеми со повреди и отсуствуваат неколку важни фудбалери, а добра вест е што Киеза се врати на терените и игра одлично. Меѓутоа, Јувентус влезе во серија од фантастични резултати и запиша осум победи по ред и на последните седум меча нема примено гол. Тоа му донесе голем напредок на табелата, па сега се наоѓа на второто место на табелата со ист број бодови како Милан. „Старата дама“ во моментов заостанува 7 бода од Наполи, па со евентуална победа ќе се доближи и ќе биде еден од фаворитите за Скудетото. Алегри и за овој меч има проблем со повреди, па нема да може да смета на Влаховиќ, Бонучи, Квадрадо и Погба.

Очекување

Ова е дерби кое секогаш е непредвидливо, особено поради фактот што двата тима се во одлична форма. Дуел на два тима со одлични одбрани, па очекуваме неизвесен меч со малку голови.

Коментари
Прочитајте поврзани статии
Load More In Италија

Проверете

Познати датумите на двете Ел Класико во Купот

Викенд најава - Најинтересно во Серија А! ↓↓↓ Шпанската фудбалска федерација денес ги одре…