ВМФЛ: Беса славеше против Победа и како лидер замина на зимска пауза

Со победата против прилепска победа од 3:1 Беса 1976 остана на лидерската позиција во Втората лига додека Пелистер ја заврши годината со триумф против Осогово.

Се држеше Победа во првото полувреме кое заврши 1:1, но во вториот дел прими два гола и загуби со 1:3.

Осогово преку Паунов успеа да поведе со Пелистер, но потоа Симеон Христов и Спиркоски обезбедија победа за битолскиот состав.

Годината со победа ја заврши и Детонит кој со минимални 1:0 го совлада Караорман.

На табелата Беса е лидер со 40 бодови, додека Детонит е втор со 35, а Пелистер има 30 бодови во топ-3. Зад нив се Арсими и Охрид со по 23 бодови.

Арсими – Беласица 2-1
Скопје – Новаци 2-1
Кожув – Охрид 2-0
Тетекс – Башкими 0-0
Вардар Неготино – Каменица Саса 1-0