Видео: Мадрид му се поклони на Иниеста – „генијалецот“ заплака!

Барселона синоќа по рекорден 30-ти пат го освои Купот на Шпанија, откако убедливо ја совлада Севиља со 5:0.

Како капитенот во финалето за последен пат ја предводеше Андрес Иниеста, кој го освои рекордниот 34-ти трофеј во својата кариера.

33-годишниот „маестро“ блескаше на теренот, постигна и прекрасен гол, па на крајот ги собра овациите од целиот стадион.

Валверде реши да го извади од игра во 88-та минута, а целиот стадион „Ванда Метрополитано“ со стоечки овации го испрати „генијалецот“.

Иниеста на клупата не можеше да ги задржи емоциите и се расплака.

Иниеста одигра повеќе од 600 натпревари за Барселона, се стекна со легендарен статус, а на крајот на сезоната најверојатно ќе се пресели во Кина.