Вардар ослабен ќе ја започне европската сезона

Eкипата на Вардар во СЦ „Јане Сандански“ утре ќе го игра првиот натпревар во Европа по пауза од две години.

Вардар обезбеди учество во ЕХФ Европската лига, а европската сезона ќе ја започне со натпреварот против исландски Валур.

„Драго ми е што по две години се враќаме во Европа. Сите во клубот го посакуваа тоа. Не сме играле одамна Европска лига, но се надевам дека наскоро тука ќе гледаме натпревари и од Лигата на шампионите. Ќе играме против тим кој е малку познат на јавноста, тие се млада, но многу преспективна екипа која игра брз и модерен ракомет. Имаат млад играчи и неколку возрасни играчи со над 40 години.

Лани покажаа дека се подготвени да го освојат европскиот трофеј и го гледавме нивниот финален натпрвеар со Олимпијакос. Влегуваме во натпреварот како фаворити бидејќи играме во нашата сала и верувам дека можеме да ја оправдаме улогата“, изјави Недановски.

Вардар во натпреварот ќе влезе и ослабен бидејќи левиот бех Димитри Хориха сигурно нема да настапи, додека повреден е и Пинто, но Недановски очекува тој да се врати.

„Се соочуваме со повреди, Пинто е повреден, но би требало да се врати. Хориха за жал има тешка повреда на раката и нема да биде подолго време во тимот“, истакна Недановски.

Натпреварот помеѓу Вардар и Валур се игра утре од 20:45 часот.