Губеше два сета и 0:3 во одлучувачкиот сет, а тогаш Франсис Тијафо направи вистинско тениско чудо!
Американецот беше практично отпишан во четвртфиналето на US Open, но успеа да се врати од речиси безизлезна ситуација и после четири часа и 38 минути драма го победи сонародникот Алекс Микелсен.
Тијафо ги загуби првите два сета, а потоа се најде на само неколку поени од елиминација! Микелсен при резултат 5:3 во третиот сет сервираше за пласман во полуфинале, но тогаш започна неверојатна серија.
Поискусниот Американец се пробуди, освои 17 од следните 22 поена, го освои третиот сет и целосно ја промени сликата на теренот!
Тијафо потоа рутински го освоил четвртиот сет и го изедначи резултатот на 2:2, но Микелсен во одлучувачкиот сет повторно зададе удар – поведе со 3:0!
Изгледаше како тоа да е крај. По сè што преживеа во третиот сет, Тијафо повторно беше на работ на амбисот.
Но, не и овој пат!
Следеше уште еден спектакуларен камбек, а одлуката падна во драматичен тај-брејк од петтиот сет. На крајот, Тијафо славеше со 5:7, 3:6, 7:5, 6:3, 7:6 (6) и се избори за пласман во своето трето полуфинале на US Open.
Учество во игри на среќа е дозволено за лица со 18+ години. Играј одговорно!