Борец остана и без тренер, си замина Горзад Михаилов

После повеќе од три години, Горзад Михајлов го напушти Борец.

Причината е повеќе од јасна, пред неколку дена ФК Борец остана без главниот спонзор на клубот. Бизнисменот Кочо Анѓушев си замина поради несогласувања со општинскиот сојуз и ФФМ.

Заминувањето на Михајлов од Борец е второ, претходно клубот го напушти најдобриот играч, Хрватот Никола Прелчец. Прелчец потпиша за Работнички. Овие заминувања веројатно нема да бидат последни.

Пред да направи трансфер во Борец Михајлов беше дел од стручниот штаб на Ѓоко Хаџиевски во Обединетите Арапски Емирати. Треба да споменеме дека во сезоната 2012/2013 го освои купот со Тетекс.