Белоти ја напушти Рома и ја засили Фиорентина

Италијанскиот репрезентативец Андреа Белоти после година и половина ја напушти Рома и се пресели во Фиорентина.

Белоти не добиваше голема минутажа во Рома, па доби дозвола од Де Роси слободно да си бара нов клуб.

Популарниот „Петел“ се сели во Фиорентина на позајмица со крајот на сезоната. „Виолетовите“ за позајмицата ќе платат 750,000 евра, а во договорот нема опција за откуп по завршување на сезоната што значи дека фудбалерот ќе се врати во Рома.

Белоти забележа 14 настапи за Рома од стартот на сезоната и запиша три гола и две асистенции, но сака да игра во клуб каде ќе има поголема минутажа.