Барселона крева раце од Кутињо!

Барселона во текот на оваа недела го одигра големото Ел Класико против Реал Мадрид во рамките на полуфиналето на Кралскиот куп, а на крајот натпреварот заврши 1:1.

Шанса од првата минута доби и Фелипе Кутињо кој играше во врвот на нападот со Суарез и Малком.

Кутињо веќе неколку недели игра на местото на повредениот Осман Дембеле, но тоа никако да го искористи. На Бразилецот во изминатите некоку месеци ништо не му оди од нога, а против Реал беше еден од најслабите играчи на теренот.

За трансфер на Кутињо се зборуваше и во јануарскиот преоден рок, но од Барселона порачаа дека тој не е на продажба.

Сепак, доколку бразилскиот играч продолжи со слабите игри во текот на летото со сигурност ќе биде еден од првите кој ќе ги спакува куферите.